ՍԴ–ի կազմը Սահմանադրության օրը կնշի Գոշավանքում. Հրայր Թովմասյան

^{Սահմանադրական դատարանն իր կազմով Հուլիսի 5-ը՝ Սահմանադրության օրը կնշի Գոշավանք՝ Մխիթար Գոշի գերեզման այցելելով։}

^{Այս մասին այսօր՝ հուլիսի 4-ին, լրագրողների հետ զրույցում ասաց ՍԴ նախագահ Հրայր Թովմասյանը՝ անդրադառնալով այն խոսակցություններին,  թե Սահմանադրության օրը ՀՀ վարչապետն ու ԱԺ նախագահը ՍԴ չեն հրավիրվել տոնը նշելու։}

^{Հրայր Թովմասյանը շեշտեց, որ իրենք պարտավորություն չունեն ընդունելություն կազմակերպելու այդ օրը եւ այս տարի որոշել են այլ կերպ նշել։}

^{Նշենք նաեւ, որ ՀՀ վարչապետ Նիկոլ Փաշինյանը պաշտոնական այցով մեկնել է Վիետնամ, ապա՝ Սինգապուր, իսկ Ազգային ժողովի նախագահ Արարատ Միրզոյանի գլխավորած պատվիրակությունը Կիպրոսում է։}

^{ՀՀ նախագահ Արմեն Սարգսյանն էլ  վաղն աշխատանքային այցով մեկնում է Սյունիքի մարզ։}