«Յուվենտուսը» ներկայացրեց Ադրիեն Ռաբիոյին

^{Ֆրանսիայի հավաքականի կիսապաշտպան Ադրիեն Ռաբիոն Թուրինի «Յուվենտուսում» ստացավ 25 համարի խաղաշապիկը։ Իտալական ակումբի նորեկը հատուկ ասուլիսում հայտարարել է, որ 7 տարի Փարիզում անցկացնելուց հետո պատրաստ է Իտալիայի Սերիայի Ա-ին։}

^{«Բուֆոնը ինձ հետ շատ է խոսել «Յուվենտուսի» մասին, եւ նրա կարծիքը շատ կարեւոր է ինձ համար։ Նա վստահեցրել է, որ «Յուվենտուսը» կլինի լավագույն տեղը իմ առաջընթացի համար։}

^{Ես դեռ հնարավորություն չեմ ունեցել խոսել գլխավոր մարզիչ Մաուրիցիո Սարիի հետ, բայց այստեղ ամեն ինչ տպավորիչ է։}

^{Ես նախընտրում եմ խաղալ ձախ կենտրոնական կիսապաշտպանի դիրքում, բայց ես կարող եմ խաղալ նաեւ երկու կենտրոնական պաշտպանների սխեմայում։ Բայց մարզիչն է որոշում խաղացողի դիրքը»,- Ռաբիոյի խոսքը մեջբերում է «Յուվենտուսի» մամուլի ծառայությունը։}

^{«Յուվենտուսը» Ռաբիոյի հետ կնքել է երկարաժամկետ պայմանագիր։}

^{24-ամյա ֆուտբոլիստն անվճար է բաժին հասել իտալական ակումբին։ Ռաբիոյի պայմանագիրը ՊՍԺ-ի հետ ավարտվել էր հունիսի 30-ին, գրում է sport.news.am:}

^{Ֆուտբոլիստի տարեկան աշխատավարձը կլինի 7 միլիոն եվրո}։