ԱՄՆ նախագահ Դոնալդ Թրամփը ցանկանում էր Հարավային Կորեայում ապառազմականացված գոտու դիտակետ այցելել, հաղորդում է ՏԱՍՍ-ը՝ հղում անելով The Washington Post-ին:
Սպիտակ տան ներկայացուցչի խոսքով՝ երկու կորեական պետությունների սահմանին Պխանմունդժոմում «անվտանգության միասնական գոտի նախագահի այցի մասին մինչ այժմ ոչինչ չի խոսվել»: Այդ գոտում 2018 թվականին տեղի էր ունեցել Հյուսիսային Կորեայի առաջնորդ Կիմ Չեն Ինի եւ Հարավային Կորեայի նախագահ Մուն Չժե Ինի հանդիպումը:
Ավելի վաղ Թրամփը Twitter-ում գրել էր, որ Հարավային Կորեա կիրակի օրը կատարելիք այցի ընթացքում կցանկանար հանդիպել Հյուսիսային Կորեայի առաջնորդի հետ: Ընդ որում, նա առաջարկել էր հանդիպել ապառազմականացված գոտում:
ՑՏԱԿ գործակալությունը դրանից հետո հրապարակել էր ԿԺԴՀ արտաքին գործերի նախարարի առաջին տեղակալի հայտարարությունը, որը հայտնել էր, որ Փհենյանը դրական է վերաբերվում ԱՄՆ նախագահի առաջարկին:
2018 թվականին Թրամփն ու Կիմ Չեն Ինը Սինգապուրում ԱՄՆ-ԿԺԴՀ պատմության մեջ առաջին գագաթնաժողովը անցկացրեցին, որի ըթնացքում Փհենյանը ստանձնեց Կորեական թերակղզու ապամիջուկայնացման պարտավորությունը՝ Վաշինգտոնի կողմից անվտանգության երաշխիքների փոխարեն: ԱՄՆ-ԿԺԴՀ երկրորդ գագաթնաժողովը տեղի ունեցավ այս տարվա փետրվարին Հանոյում, սակայն կողմերը չկարողացան համաձայնության հասնել:
0Comments