Daily Mail պարբերականն անդրադարձել է ԽՍՀՄ առաջնորդ Իոսիֆ Ստալինի և Մեծ Բրիտանիայի վարչապետ Ուինսթոն Չերչիլի նամակագրությանը:
Նշվում է, որ 1940-ականներին Ստալինն արդեն սկսել էր շատ քննադատել բրիտանացիների սպառազինությունը, պատրաստվածությունը, և զգալով, որ արդեն բավական հեռու է գնում՝ որոշել է Չերչիլի ծննդյան օրվա կապակցությամբ շնորհավորական հեռագիր ուղարկել:
Հայտնի է, որ Ստալինը հեռագրեր ուղարկել չի սիրել, սակայն դիմել է այդ քայլին.
«Ջերմորեն շնորհավորում եմ քեզ ծննդյան օրվա կապակցությամբ, իմ սրտի խորքից ցանկանում եմ ուժ, առողջություն, որն այդքան անհրաժեշտ է հիտլերիզմը հաղթելու համար»:
Նշվում է, որ այս շնորհավորանքից հետո Չերչիլը Ստալինին շնորհակալություն է հայտնել և հաջորդ ամիս Ստալինի ծննդյան առթիվ հեռագիր ուղարկել:
Այսպիսով՝ հեռագիր ուղարկելը դարձել է ավանդույթ և շարունակվել մինչև Երկրորդ համաշխարհային պատերազմի ավարտը:
0Comments