Կինը փրկեց աղջկա կյանքը՝ նկատելով նրա գլխի անսովոր թեքությունը

^{Քեյ Փերսոնսը անգլիական Սոմերսեթ կոմսությունից ուշադրություն է դարձրել աղջկա գլխի անսովոր թեքությանը եւ դիմել բժշկի։ Նրա զգոնության շնորհիվ աղջկա ուղեղի քաղցկեղը հաջողվել է հայտնաբերել ժամանակին։}

^{Ինչպես պատմում է Daily Mirror պարբերականը, Քեյը նկատել էր, որ նրա երեք տարեկան աղջիկը՝ Ռայլին, մշատպես թեքում է գլուխը դեպի աջ։ Շուտով ի հայտ է գալիս նաեւ մեկ այլ ախտանշան՝ աղջիկն օրական երկու անգամ սրտխառնոց էր ունենում, ինչպես նաեւ քայլելիս ճոճվում էր։}

^{Սկզբում բժիշկները ենթադրեցին, որ ոչ մի լուրջ բան չկա, իսկ գլուխը թեքում է, որովհետեւ անհարմար դիրքում է քնել եւ ձգել է մկանը։ Բայց մորն այս բացատրությունը չգոհացրեց. նա սկզբում սկսեց աղջկան նկարել վիդեոյով եւ ապացուցել, որ նա ժամերով խաղում ու քայլում է ուսին թեքած գլխով, գրում է med.news.am:}

^{Ավելի հանգամանալից զննությունից հետո երեխայի մոտ ուղեղի ուռուցք հայտնաբերվեց։ Այդ ժամանակվանից ի վեր աղջիկը 13 վիրահատության է ենթարկվել եւ մի քանի ամիս ռադիոթերապիա է ստացել, 4 ամիս՝ քիմիաթերապիա։ Նրա բուժումն այժմ ավարտված է, եւ նա վերականգնվում է։}