Հարգելի աղջիկներ, գեղեցիկ լինելու համար այնքան էլ շատ բան անհրաժեշտ չէ՝ ճիշտ սնվել, ֆիզիկական ծանրաբեռնվածություն, մաշկի եւ մարմնի խնամք, եւ իհարկե բարձր տրամադրություն։
Մաշկի խնամքի գործում ձեզ կօգնի շոկոլադե սկրաբը, որն ունի շատ պարզ ու հեշտ պատրաստման եղանակ։
Այս սկրաբը կարելի է օգտագործել տարվա բոլոր եղանակներին, երբ մաշկը վիտամինների պակաս ունի, կամ ենթարկվել է արտաքին միջավայրի բացասական ազդեցությանը։
Շոկոլադե սկրաբը կօգնի ազատվել ցելյուլիտից եւ մարմնի ճարպից, կնճիռներից, կարող է մարմնին առողջ տեսք հաղորդել, բարելավել արյան եւ ավշի շրջանառությունը, կանոնակարգել նյութափոխանակությունը. այս ամենի արդյունքում մաշկը սնուցվում է, ազատվում տոքսիններից եւ ավելի նուրբ ու փափուկ տեսք ստանում։
Այսպիսով, ներկայացնում ենք շոկոլադե սկրաբի կատարյալ բաղադրատոմս.
Սկրաբը պատրաստելու համար պետք է ընդամենը խառնել երկու բաղադրիչ՝ շոկոլադե կարագ եւ շաքարավազ։ Կարագը պետք է կրկնակի շատ լինի, քան շաքարը։ Այս երկու բաղադրիչները խառնելուց հետո պետք է ստացված զանգվածը մերսող շարժումներով քսել դեմքին եւ թողնել մոտ հինգ րոպե։ Հինգ րոպե անց արդեն կարելի է տաք ջրով լվանալ դեմքը։
Այս սկրաբի օգնությամբ մաշկը սնուցվում է խոնավությամբ, հանքային նյութերով եւ միկրոէլեմենտներով։ Արդյունքում կարգավորվում է մաշկի արյան շրջանառությունը, հարթվում են մաշկի կնճիռները, ձգվում մաշկի ծալքերը։ Սկրաբը նաեւ կարող է պաշտպանել դեմքի մաշկի վերին շերտը, որը մեծապես վնասվում է արտաքին ազդեցությունների հետեւանքով։
0Comments