«Ես կարծում եմ, որ Նիկոլ Փաշինյանը Վիտալի Բալասանյանին աշխատանքից ազատելու հետ կապ չունի: Իշխանությունները պարզապես մամուլի միջոցով փորձում են ցույց տալ, թե Արցախում ազդեցություն ունեն, կարող են իրենց ցանկացած անձին պաշտոնի նշանակել կամ ոչ ցանկալիներին աշխատանքից ազատել»: Այս մասին Tert.am-ի հետ զրույցում ասաց քաղաքագետ Հրանտ-Մելիք Շահնազարյանը՝ անդրադառնալով ԱՀ անվտանգության խորհրդի նախագահ Վիտալի Բալասանյանին աշխատանքից ազատելու վերաբերյալ նախագահ Բակո Սահակյանի հրամանագրին:
«Նիկոլ Փաշինյանը, ՀՀ իշխանությունները գիտեին, որ Վիտալի Բալասանյանն ազատելու է պաշտոնը, որովհետև պատրաստվում է ԱՀ-ում կայանալի նախագահական ընտրություններին մասնակցել այնպես, ինչպես ժամանակին պաշտոնը լքեց Արայիկ Հարությունյանը, որը շուտ կողմնորոշվեց ընտրություններին մասնակցելու առումով, որպեսզի կարողանա զբաղվել քարոզչությամբ: Հիմա Վիտալի Բալասանյանը նույնն է անելու՝ լքում է պաշտոնը, զբաղվելու է նախընտրական քարոզչությամբ»,-մանրամասնեց Հրանտ Մելիք-Շահնազարյանը:
Նրա դիտարկմամբ՝ այժմ տեղեկատվական մանիպուլիացիաներով ամեն ինչ փորձում են այլ համատեքստում ներկայացնել և դրա համար շահարկումներ են արվում՝ ցանկալի սցենարով ներկայացնելու համար:
0Comments