^{«Փաստինֆո»-ի հաղորդմամբ՝ Արաբկիր վարչական շրջանի քննչական բաժնի ՀԿԳ քննիչ Գրիգոր Հովհաննիսյանը հայտարարագրել է 11 000 000 ՀՀ դրամ, իսկ եկամուտը՝ 3 387 808 դրամ։ Հատուկ կարևոր գործերով քննիչը հայտարարագրել է նաև պաշտոնը ստանձնելու տարվա ընթացքում ձեռք բերած 10 000 000 ՀՀ դրամ արժողությամբ Toyota Land Cruiser Prado մակնիշի ավտոմեքենան։}

^{Նախորդ տարվա ընթացքում անշարժ գույք ձեռք չի բերել Երևանի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժնի պետ Անդրանիկ Իվանյանը, ում դրամական միջոցները 2018 թվականին չեն գերազանցել 5 000 000 ՀՀ դրամը, իսկ եկամուտները՝ 6 153 779 ՀՀ դրամ։}

^{Աջափնյակ և Դավթաշեն վարչական շրջանների դատախազության ավագ դատախազ Միքայել Գրիգորյանն էլ հայտարարագրել է 9 000 000 ՀՀ դրամ։ Ավագ դատախազի 2018 թվականի եկամուտը կազմել է 10 129 236 ՀՀ դրամ, որից 5 229 236 դրամն աշխատանքի վարձատրությունն է, իսկ 4 900 000 ՀՀ դրամը՝ տարվա ընթացքում ստացված փոխառությունները-վարկերը։}