Սուրբ Հարության տոնին ընդառաջ ֆեյսբուքում մի օգտատեր ահազանգել է՝ մի քանի ժամ եռացնելուց հետո ձվերն այդպես էլ չեն եփվել։
Օգտատերը հրապարակել է կարճ տեսանյութ, լուսանկարներ, որտեղ երևում են, ձվերը կիսաեփ են։ Ըստ մակնշման, դրանք «Արաքս» ընկերությանն են։
«Մի կողմ դնենք, որ ամբողջ քանակից չճաքեցին մի քանի հատը։ Հավկիթի սպիտակուցը մնացել է ջրիկ, դոնդողատիպ, դեղնուցը ամուր է քարի պես, ռեզին է հիշեցնում, փայլում է ինչպես պլաստմասը»,-նկարագրել է ձու գնած ու այդպես էլ եփել չհաջողացրած քաղաքացին։
Panorama.am-ի հետ զրույցում Սննդամթերքի անվտանգության տեսչական մարմնից հայտնեցին, քաղաքացուց նախ կճշտեն, թե որտեղից է գնել ձվերը, ապա հսկիչ գնում կկատարեն ու հետազոտություն կիրականացնեն։
Տեսչական մարմնից ավելի ուշ հայտնեցին, պարզել են քաղաքացին ձուն գնել է անհատից, հետևաբար հսկիչ գնում, հետազոտություն անել չեն կարող։ Տեսչական մարմնից նաև ասացին, որ ձվի եփվելու հետ կապված այլ բողոքներ իրենք չեն ստացել։
0Comments