Վեց ամսական Պոպպի անունով կատվիկը ողջ է մնացել լվացքի մեքենայում 1,5 ժամ «լողանալուց» հետո, հաղորդում է ABC News-ը:
Ավստրալուհի Կիմ Բարրը` կենդանու տիրուհին, լրատվամիջոցի հետ զրույցում պատմել է, որ չի նկատել, թե ինչպես է կատուն քնել լվացքի իրերի համար նախատեսված զամբյուղում, ապա հայտնվել լվացքի մեքենայում:
Որոշ ժամանակ անց ընտանիքը նկատել է, որ Պոպպին անհետացել է:
«Մենք ողջ տունը տակնուվրա արեցինք, սակայն չկարողացանք գտնել նրան»,- պատմել է կատվի տիրուհին:
Կատվին պատահաբար հայտնաբերել են լվացքի մեքենայում այն ժամանակ, երբ սարքը պետք է 10 րոպե աշխատեր «քամել» ռեժիմով:
Դեպքից անմիջապես հետո կենդանուն տարել են անասնաբույժի մոտ. պարզվել է, որ կատուն ունի գլխի և աչքի վնասվածք, բացի դրանից, կենդանու թոքերում ջուր է լցված եղել: Զարմանալի է, բայց կենդանին որևէ կոտրվածք չի ստացել:
Նշվում է, որ դեպքից 3 շաբաթ անց կատվիկի առողջական վիճակը բարելավվել է:
0Comments