ՀՀ ոստիկանությունը 3 մլրդ 172 մլն 200 հազար դրամ կվճարի «Սեքյուրիթի Դրիմ» ընկերությանը՝ այս տարվա ընթացքում մատուցվող հավատարմագրային կառավարման ծառայությունների դիմաց: Խոսքն արագաչափերի և նկարահանման տեսախցիկների համակարգի մասին է:
Ոստիկանությունը հավատարմագրային կառավարման ծառայությունները, ինչպես միշտ, ձեռք է բերել մեկ անձից կատարվող գնումների համակարգով։ Ըստ պայմանագրի՝ հավատարմագրային կառավարչի վարձատրությունը կկազմի 314 մլն 200 հազար դրամ, իսկ կառավարչի կատարած փաստացի ծախսերի հատուցումը՝ 2 մլրդ 858 մլն դրամ:
Նշենք, որ անցած տարի ոստիկանությունը նույն ծառայության դիմաց «Սեքյուրիթի Դրիմ» ընկերությանը վճարել էր 3 մլրդ 124.6 մլն դրամ, այսինքն՝ այս տարվա համեմատ՝ 47.6 մլն դրամով պակաս։
0Comments