Կայծակը հարվածել է Թուրքիայի հյուսիս-արևելքում գտնվող «Ռիզե Արթվին» օդանավակայանին, երբ ինքնաթիռը պատրաստվում էր թռիչքի, կա տուժած, հայտնում է թուրքական HavaSosyalMedya քաղաքացիական ավիացիայի առցանց հարթակը։
«Ռիզե-Արտվին-Ստամբուլ չվերթի մեկնարկից առաջ կայծակը հարվածել է օդանավակայանին, երբ ինքնաթիռի դուռը պատրաստվում էր փակվել, օդանավի օպերատիվ աշխատակիցը կորցրել է գիտակցությունը և ընկել է:
Օպերատիվորեն դեպքի վայր են ժամանել բժշկական բրիգադները, տուժածը տեղափոխվել է հիվանդանոց։ Այս ընթացքում աշխատանքները ժամանակավորապես դադարեցվել են, քանի որ կայծակը շարունակել է հարվածել ավտոկայանատեղիի տարածքում։ 24 րոպե հետո օդանավակայանի գործունեությունը վերսկսվել է»,-ասվում է հաղորդագրությունում:
0Comments