Կրասնոդարի կենտրոնում գիշերային ակումբի նախկին տնօրենի են կրակել ու սպանել․ նա Նիգերից է եղել։
Կասկածյալ, 54-ամյա Անդրանիկ Գրիգորյանը բերման է ենթարկվել․ նա անձամբ է զանգահարել ոստիկանություն և հայտնել, որ մարդու է սպանել, հայտնում է «Shot» տելեգրամյան ալիքը։
Հաղորդագրության համաձայն՝ Գրիգորյանն իր ավտոմեքենայից հանել է ատրճանակը և կրակել 58-ամյա Յակուբ Համիդայի ուղղությամբ, որն իր «Lexus» մակնիշի ամենագնացի մոտ է եղել․ տղամարդը տեղում մահացել է: Կրակոցներից վնասվել է մոտակայքում գտնվող խանութի պատուհանը։
Սպանությունից հետո դեպքի վայր ժամանած ոստիկանները բերման են ենթարկել Գրիգորյանին։ Սպանության դրդապատճառը պարզվում է։ Սպանվածի «Lexus»-ում թմրանյութ է հայտնաբերվել:
Մահացած Յակուբա Համիդուն Նիգերից է եղել, երկար ժամանակ ապրում էր Կրասնոդարում, մի քանի տարի առաջ փակված «Հավանա» ակումբի տնօրենն էր։
0Comments