Ոսպով և լավաշով ռոլլ

Ձեզ ենք ներկայացնում հետաքրքիր և համեղ ուտեստ: Պատրաստման եղանակը շատ հեշտ է: Ռոլլերը կարող եք մատուցել նաև նախաճաշին:

Բաղադրիչներ

• 2 հատ լավաշ (առանց խմորիչի)
• 0.5 բաժակ ոսպ
• 1 հատ գազար
• 1 հատ գլուխ սոխ
• սև պղպեղ
• կարմիր պղպեղ
• օրեգանո
• մայորան
• աղ
• ձեթ
• համեմ

Պատրաստման եղանակը`

Նախօրոք թրջած ոսպը խաշել։ Մանր կտրատած գլուխ սոխը տապակել ձեթի մեջ մինչև թափանցիկ դառնալը, ապա ավելացնել քերիչով անցկացրած գազարը։ Տապակել 7-10 րոպե, ապա ավելացնել համեմուքները և մանր կտրատած համեմը։ Եփել ևս 2-3 րոպե։

Լավաշը բաժանել 4 մասի, հեռացնել ծայրերը այնպես, որ ստացվեն ուղղանկյունաձև կտորներ։ Միջուկը բաժանել 8 մասի։ Լավաշի կտորի վրա լցնել միջուկը այնպես, որ վերևից և կողքերից փաթաթելու համար տեղ մնա։ 

Փաթաթել ռոլլեր նրբաբլիթների նման, եզրերը ամրացնել ալյուրե խյուսով։ Պատրաստի ռոլլերը տապակել ձեթի մեջ երկու կողմից։ Մատուցել տաք վիճակում