Եվրասիական տնտեսական միությանն անդամակցությունից հրաժարվելը Հայաստանի համար ձեռնտու չէր լինի, կհակասի նրա շահերին, ՌԻԱ «Նովոստի»-ին տված հարցազրույցում ասել է ՌԴ փոխարտգործնախարար Ալեքսանդր Պանկինը։
Ըստ դիվանագետի՝ ԵԱՏՄ-ի շրջանակում համագործակցությունն արդյունավետ է Հայաստանի համար, վերջին մի քանի տարիների ընթացքում երկիրը միության շրջանակում առաջատար է դարձել այնպիսի ցուցանիշներով, ինչպիսիք են ՀՆԱ-ի աճը, հիմնական կապիտալում ներդրումները, կատարված շինարարական աշխատանքների ծավալը և այլն։
«Այս ամենը մեծապես հնարավոր դարձավ միության ներսում միասնական շուկայի, աշխատանքային ռեսուրսների տեղաշարժի ազատության, ձեռնարկությունների բացման ընթացակարգի պարզության, էներգակիրների մատակարարման արտոնյալ պայմանների և այլնի շնորհիվ: Այսպիսով, տնտեսական տեսանկյունից Միությանն անդամակցությունը, անշուշտ, ձեռնտու է Երևանին, և դրանից հրաժարվելը, մեր կարծիքով, կհակասի երկրի շահերին»,- ասել է դիվանագետը։
«Հայաստանի վարչապետ Նիկոլ Փաշինյանի հնչեցրած առաջնահերթությունները համահունչ են ինտեգրացիոն զարգացման ոլորտում մեր մոտեցումներին, մենք հավատարիմ ենք արդյունավետ համագործակցությանը»,- հավելել է նա։
Փետրվարի սկզբին Փաշինյանը, ելույթ ունենալով Եվրասիական միջկառավարական խորհրդի նիստում, ասել էր, որ 2023 թվականին ԵԱՏՄ երկրների հետ Հայաստանի ապրանքաշրջանառությունը նախորդ տարվա համեմատ աճել է 39%-ով և կազմել մոտ 7,8 մլրդ դոլար։
ԵԱՏՄ-ից դուրս գալը հակասում է Հայաստանի շահերին. ՌԴ ԱԳ փոխնախարար
Մանրամասներ
![եատմ](/sites/default/files/styles/original_scaled/public/2024-02/%D4%B5%D4%B1%D5%8F%D5%84-%D5%AB%D6%81%20%D5%A4%D5%B8%D6%82%D6%80%D5%BD%20%D5%A3%D5%A1%D5%AC%D5%A8%20%D5%B0%D5%A1%D5%AF%D5%A1%D5%BD%D5%B8%D6%82%D5%B4%20%D5%A7%20%D5%80%D5%A1%D5%B5%D5%A1%D5%BD%D5%BF%D5%A1%D5%B6%D5%AB%20%D5%B7%D5%A1%D5%B0%D5%A5%D6%80%D5%AB%D5%B6.%20%D5%8C%D4%B4%20%D4%B1%D4%B3%20%D6%83%D5%B8%D5%AD%D5%B6%D5%A1%D5%AD%D5%A1%D6%80%D5%A1%D6%80.jpg?itok=elVn9XFc)
0Comments