Մեր պատերազմը չի ավարտվել, չի ավարտվել առաջին հերթին այն պատճառով, որ Ադրբեջանի քաղաքական ու տարածքային հավակնությունները միայն Արցախով չեն սահմանափակվում։
Այս մասին ԱԺ-ում հայտարարությունների ժամին ասաց «Պատիվ ունեմ» խմբակցության քարտուղար Տիգրան Աբրահամյանը։
«Արցախը դեպի Հայաստան ագրեսիայի ճանապարհին այն անառիկ ամրոցն էր, որը ընկավ դավաճանության հետևանքով։ Հայաստանը վերականգնվելու, վերածնվելու հնարավորություն դեռ ունի հենց միայն պայմանավորված այն հանգամանքով, որ նույնիսկ բազմաթիվ հարվածներից, ողբերգություններից հետո հայկական բանակն իր ողջ էությամբ կրող մարդիկ կան, ովքեր անհրաժեշտ պահին ոտքի են կանգնելու՝ համախմբելու ու իրենց վճռական մարտը վարելու՝ այս անգամ հաղթական ելքով»,- ասաց պատգամավորը։
Տիգրան Աբրահամյանի խոսքով՝ դեռևս հնարավորություն կա պահելու Հայաստանի անվտանգությունն ու տարածքային ամբողջականությունը։
«Թշնամու գլուխը կարելի է ջարդել, մեր երկրի անվտանգությունը, տարածքային ամբողջականությունն ու ինքնիշխանությունը պահելու իրական հնարավորություն դեռ ունենք, սակայն կա մեկ «բայց» և այդ «բայցը» Հայաստանում գործող իշխանությունն է, որն իր էությամբ, բովանդակությամբ, քաղաքական հետագծով ասոցացվում է մեկ հավաքական բառի հետ՝ պարտության, ու այս ճանապարհին մեր նպաակների գլխավոր խոչընդոտն է»,- ասաց Տիգրան Աբրահամյանը։
0Comments