Մերձմոսկովյան Կրասնոգորսկում երեք մարդ հրազենային վնասվածքներով հոսպիտալացվել է փողոցում վիճաբանությունից հետո։ Այս մասին հայտնում է Mash Telegram ալիքը։
Միջադեպը տեղի է ունեցել Կրասնոգորսկում՝ Վոլոկոլամսկի մայրուղու վրա, բազմաթիվ վկաներ ականատես են եղել մի խումբ տղամարդկանց միջև վիճաբանությանը և տեսագրել կատարվողը։
Տեսանյութի կադրերում հասարակական տրանսպորտի կանգառի մոտ մի խումբ տղամարդիկ հարաբերություններն են պարզում՝ վիճաբանության մասնակիցներից մեկը ավտոմատից մի քանի կրակոց է արձակում ընդդիմախոսների ուղղությամբ։
Երկու տղամարդ վիրավորվել է փորից, երրորդը՝ ոտքից, տուժածները հոսպիտալացվել են։ Հակամարտության պատճառն անհայտ է, իրավապահ մարմինները դեռ չեն մեկնաբանել միջադեպը։
0Comments