Ազգային ժողովում լրագրողները հարցեր ուղղեցին ՊՆ նախարար Սուրեն Պապիկյանին՝ օրեր առաջ երկու զինծառայողների առևանգման հանգամանքների հետ կապված
«Այդ հեքիաթները պատմողներին էլ գնացեք հարցրեք»,- ասաց նախարարը՝ հրաժարվելով պատասխանել որևէ այլ հարցի։
Սահմանային վիճակի վերաբերյալ էլ նախարարը հորդորեց հետևել պաշտոնական լրահոսին։
Հիշեցնենք, որ մայիսի 26-ին՝ ժամը 19:00-ից, մարտական դիրքեր սնունդ մատակարարող ՀՀ ԶՈՒ 2 զինծառայողի հետ կապն ընդհատվել էր։
Պաշտպանության նախարարությունը հայտարարություն էր տարածել, որ Ադրբեջանի կողմից զինծառայողների ապօրինի առևանգման հանգամանքները բացահայտելու ուղղությամբ տարվում է լայնածավալ աշխատանք։
Պաշտոնական Բաքուն ևս հայտարարություն էր տարածել՝ խոսելով դիվերսիոն ներթափանցման փորձի մասին, իբրև թե հայ զինծառայողների խումբը ահաբեկչության ծրագրով հատել է հայ-ադրբեջանական սահմանը։
Նշենք, նաև, որ երկու հայ զինծառայողների առևանգման փաստով Հայաստանը դիմել է Ստրասբուրգի դատարան՝ միջանկյալ միջոց կիրառելու պահանջով։
0Comments