Ադրբեջանը ոչ միայն շարունակել է Լաչինի միջանցքի ապօրինի շրջափակումը, այլև ապօրինի ներխուժում է իրականացրել ԼՂ-ում ՌԴ խաղաղապահ զորախմբի պատասխանատվության գոտի։ Այս մասին կառավարության նիստի ժամանակ ասաց վարչապետ Նիկոլ Փաշինյանը։
«Ներխուժման փաստն արձանագրել է նաև ՌԴ ՊՆ-ն՝ պաշտոնական հաղորդագրությամբ։ Այդ հաղորդագրության մեջ ասվում է, որ 2023թ մարտի 25-ին Ադրբեջանի ԶՈՒ ստորաբաժանումները, խախտելով 2020թ նոյեմբերի 9-ի եռակողմ հայտարարության առաջին կետը, Շուշիի շրջանում հատել են շփման գիծը և 2054 բարձունքը և սկսել ինժեներական աշխատանքները։
Ադրբեջանական կողմին է ներկայացվել եռակողմ հայտարարությնա դրույթների կատարման անհրաժեշտության, ինժեներական աշխատանքները դադարեցնելու և Ադրբեջանի ԶՈՒ ստորաբաժանուների կողմից նախնական դիրքեր վերադառնալու մասին պահանջ։
2054 բարձունքից Ադրբեջանն ուղիղ նշանառության տակ է վերցրել Ստեփանակերտը Հին Շեն, Մեծ Շեն և մի քանի այլ գյուղերի հետ կապող գրունտային ճանապարրհը։ Ադրբեջանը սա բացատրում է իբր թե Հայաստանից ԼՂ ռազմական բեռների ու անձնակազմի տեղափոխումներով»,- ասաց Փաշինյանը։
Նա նշեց, որ սա իրականությանը չհամապատասխանող տեղեկատվություն է։
0Comments