Ուրբաթ օրը 14-րդ գումարման Ժողովրդական ներկայացուցիչների համաչինական ժողովի (ԺՆՀՉԺ) առաջին նստաշրջանի պատվիրակները միաձայն քվեարկել են Չինաստանի նախագահի պաշտոնում Սի Ծինփինի աննախադեպ՝ երրորդ հնգամյա ժամկետով վերընտրվելու օգտին։ Այս մասին տեղեկացրել է Xinhua գործակալությունը։
Սի Ծինփինը կգլխավորի նաև Չինաստանի զինված ուժերը, որպես ԶՈՒ գերագույն գլխավոր հրամանատար։
Քվեարկությանը մասնակցել է 2 952 մարդ։
Սի Ծինփինի, որի 70-ամյակը կլրանա հունիսին, վերընտրությունը հնարավոր է դարձել 2018թ. Չինաստանի Սահմանադրությունում լրացումներ կատարելուց հետո. այժմ նույն անձը կարող է պետության ղեկավարի պաշտոնը զբաղեցնել անսահմանափակ անգամներ։
Հոկտեմբերին, Չինաստանի Կոմունիստական կուսակցության (ՉԿԿ) XX համագումարից հետո Սի Ծինփինը երրորդ ժամկետով նաեւ վերընտրվել է Չինաստանի Կոմկուսի Կենտրոնական կոմիտեի գլխավոր քարտուղարի պաշտոնում։
0Comments