Ուկրաինան կշարունակի պայքարը Բախմուտի համար. Ռազմական ղեկավարությունը կայացրել է որոշումը

Ուկրաինայի զինված ուժերի գլխավոր հրամանատար Վալերի Զալուժնին և «Խորտիցա» զորքերի օպերատիվ-ռազմավարական խմբի հրամանատար Ալեքսանդր Սիրսկին հայտարարել են, որ Բախմուտի պաշտպանությունը պետք է շարունակվի։

Այս մասին հայտնում են ուկրաինական լրատվամիջոցները։

Զալուժնին և Սիրսկին այս մասին հայտնել են՝ պատասխանելով Վլադիմիր Զելենսկու հարցին։ Բարձրաստիճան զիվնորականները խոսել են պաշտպանական գործողությունը շարունակելու և Բախմուտում դիրքերի հետագա ամրապնդման օգտին։

Բախմուտը քաղաք է Դոնեցկի մարզում, ռուսական ուժերը կես տարուց ավելի փորձում են գրավել այն։