ԵԱՏՄ-ն ունի բոլոր հնարավորությունները դառնալու բազմաբևեռ աշխարհի հզոր բևեռներից մեկը. Պուտին

Ռուսաստանի նախագահ Վլադիմիր Պուտինը հայտարարել է, որ Եվրասիական տնտեսական միությունը բոլոր հնարավորություններն ունի դառնալու բազմաբևեռ աշխարհի հզոր անկախ բևեռներից մեկը։ Այս մասին ասված է ՌԴ նախագահի ուղերձում, որը հրապարակված է Կրեմլի կայքում։

«Միությունը բոլոր հնարավորություններն ունի դառնալու ձևավորվող բազմաբևեռ աշխարհի հզոր, անկախ, ինքնաբավ բևեռներից մեկը, դառնալու ձգողության կենտրոն բոլոր անկախ պետությունների համար, որոնք կիսում են մեր արժեքները և ձգտում են համագործակցել Եվրասիական տնտեսական համայնքի հետ»,- ասված է ուղերձում։

Եվրասիական տնտեսական միությունը տարածաշրջանային տնտեսական ինտեգրման միջազգային կազմակերպություն է՝ օժտված միջազգային իրավասուբյեկտությամբ և հիմնադրված Եվրասիական տնտեսական միության մասին Պայմանագրով: Դրան անդամակցում են Հայաստանը, Բելառուս, Ղազախստանը, Ղրզստանը, Ռուսաստանը: