Լեհաստանի Լյուբլինյան շրջանում երկու հրթիռ է ընկել։ Հաղորդվում է մահվան երկու դեպքի մասին։
Վարչապետ Մորավեցկին Ազգային անվտանգության և պաշտպանության նախարարների խորհրդի արտահերթ նիստ է հրավիրում։
Պենտագոնը դեռ չի կարող հաստատել Լեհաստանում ռուսական հրթիռների ընկնելու մասին տեղեկությունը, հայտարարել է ռազմական գերատեսչության ներկայացուցիչ, գեներալ Պատրիկ Ռայդերը։ Նրա խոսքով՝ ԱՄՆ-ում այս հաղորդագրությունը լուրջ են ընդունում և ստուգում։
«Մենք շատ հստակ ասել ենք, որ պաշտպանելու ենք ՆԱՏՕ-ի տարածքի յուրաքանչյուր թիզը»,- ասել է գեներալը՝ մեկ անգամ ևս հավելելով, որ հրթիռների մասին լուրերը դեռ չեն հաստատվել։
ՌԴ պաշտպանության նախարարությունը Լեհաստանում «ռուսական հրթիռների» ընկնելու մասին հայտարարությունը սադրանք է անվանել. «Լեհական զլմ-ների պնդումները «ռուսական հրթիռների» ընկնելու մասին նպատակաուղղված սադրանք են։ Ռուսաստանը որևէ ռազմական ակտիվություն չի ցուցաբերել լեհ-ուկրաինական սահմանի ուղղությամբ»։
0Comments