ԱՄՆ նախագահ Ջո Բայդենը ժամանել է Կամբոջա՝ մասնակցելու Հարավարևելյան Ասիայի պետությունների ասոցիացիայի (ASEAN) գագաթնաժողովներին։ Այս մասին հայտնում է ՏԱՍՍ գործակալությունը՝ հղում անելով Կամբոջայի տեղեկատվության նախարարությանը։
Նշվում է, որ ամերիկացի առաջնորդի ինքնաթիռը Կամբոջայում վայրէջք է կատարել տեղական ժամանակով ժամը 08։10-ին։ Այստեղ Բայդենը մտադիր է մասնակցել ASEAN-ի 40-րդ և 41-րդ գագաթնաժողովներին։
Հաղորդվում է, որ նոյեմբերի 13-ին Բայդենը երկկողմ բանակցություններ կանցկացնի Ճապոնիայի վարչապետ Ֆումիո Կիսիդայի, ինչպես նաև Հարավային Կորեայի նախագահ Յուն Սոկ Յոլի հետ։ Բացի այդ, նա մտադիր է նաև եռակողմ հանդիպում անցկացնել Ճապոնիայի վարչապետի ու Հարավային Կորեայի նախագահի հետ հնդկական-խաղաղօվկիանոսյան տարածաշրջանում համագործակցության ամրապնդումը շարունակելու համար։
0Comments